Lirik Syair Lamyahtalim Aceh
Syair lamyahtalim merupakan salah satu syair/nadham yang sering dibaca dikalangan kaum muslim Aceh khususnya menjelang atau saat perayaan maulid nabi Muhammad SAW.
Berikut ini lirik lamyahtalim Aceh :
Nabi han tom neumeulumpoe
Malam uroe seulama-lama
Meuseumeunguep nabi piehtan
Nibak zameun sepanjang masa
Binatang kleud hantom jiplueng
Jimeutemeung ngon sayyidina
Lalat nyamok pihantom roh
Nibak tuboh yang mulia
Keu ngoen likot deuh neukalon
Hana teusom bak maulana
Neutoh iek ek beukasan tan
Wajeb taulan ta peucaya
Hate nabi han tom teungeut
Yang na teuped dua mata
Dalam uroe Meubayang tan
Hireuen laloe takalon rupa
Watee neuduek lam kawan lee
Manyang baho dimaulana
Yoh wiladah tan meuligan
Kalheueh khatan yoh masa na
Nyang siploh nyoe sifeuet nabi
Wajeb turi tuha muda
Soe nyang hafai nyang siploh
Totung karam tuhan peulihara
Oleh: Syababfillah Community